DADRA VA NAGARHAVELI — Hindistondagi ittifokdosh hudud. Arabiston dengizi sohilida. Mayd. 0,5 ming km2. Aholisi 220,4 ming kishi (2001). Maʼmuriy markazi — Silvasa sh. Hindiston ya. o. ning shim. gʻarbiy qismida, Maharashtra va Gujarot shtatlari oraligida joylashgan. Asosan q. x. mahsulotlari yetishtiriladi. Sanoat tarmoqlari ham q. x. maxsulotlarini qayta ishlashga ixtisoslashgan. Silvasada palma tolasi ishlab chiqariladi. Meʼmoriy yodgorliklaridan Portugaliya mustamlakachilik davrida yevropacha qurilgan binolarning baʼzilari saqlanib qolgan.