DAGIR (fors.) — abr naqshli yarim ipak gazlama. D. ikki tepkili qoʻl doʻkonda toʻqiladi. Tanda iplari abr-bandi usulida maydagullar bilan naqshlanadi, arqogʻiga qora ip qoʻshiladi. Dagirdan chopon va boshqa kiyimlar, koʻrpakoʻrpachalar tayyorlanadi. Turli joylarda turlicha — sholarqoq, olchinbar, poshshoyi va b. nomlar bilan ataladi. Dagir 20-a. ning 60-y. larigacha Fargʻona vodiysida ishlab chiqarilgan.