DAVLAT KOTIBI — Yevropa va Amerikaning bir necha davlatlarida oliy davlat amaldorlarining nomi. Mas, AQSHda — Davlat departamenti, yaʼni tashqi siyosiy mahkamasining rahbari; Buyuk Britaniyada — ichki ishlar, mudofaa, Shotlandiya ishlari boʻyicha va sh. k. ayrim mahkamalarning boshligʻi; Belgiyada Davlat kotibi amalda vazirlarning oʻrinbosari hisoblanadi. Meksika va Lotin Amerikasining boshqa baʼzi mamlakatlarida vazirlar Davlat kotibi deb nomlanadi.