Ushbu savolga Koronavirusga qarshi kurash shtabi a’zosi Sevara Ubaydullayeva AOKA huzuridagi shtabda bo’lib o’tgan brifingda javob berdi.
Farzandlardagi har qanday o‘zgarishni ota-onalar birinchi bo‘lib sezishadi. O‘z vaqtida shifokorga murojaat etish farzandingiz salomatligini turli xil asoratlardan himoya qiladi.
Yoshi kattaroq bolalar, ya’ni o‘smirlar bir oz bu holatlarga e’tiborsiz bo‘ladilar, shu bois salomatliklaridagi o‘zgarishlarni yashirishlari mumkin. Bunday holatlarni oldini olish maqsadida ota-onalar doimiy ravishda bolalar salomatligidagi o‘zgarishlar kuzatilayotgani yoki yo‘qligi haqida so‘rab, o‘rganib turishlari kerak.
Farzandlaringiz nafaqat maktabda, balki uyda ham shaxsiy gigiyena qoidalariga rioya qilishlariga o‘rgating. Ya’ni doimiy ravishda qo‘l yuvish texnikasini 5 ta qoidasi bo‘yicha 20 soniyadan ortiq qo‘llarni sovunlab yuvish, imkon bo‘lmaganida antiseptik vositalar bilan ishlov berish kerak.
Niqoblarni taqish texnikasiga rioya qilgan holda taqish va har 2-3 soatda almashtirishni o‘rgatish. Bunda ota-onalar bolalarga maktabga qo‘shimcha 2-3 ta niqob berib yuborishlari kerak.
Eng qiyini, lekin bolalarga imkon qadar tushuntirish muhim bo‘lgani — qo‘l ushlashib so‘rashishlardan tiyinishlarini, ko‘pchilik bo‘lganda 2 metr masofani saqlashlari kerakligini doimiy ravishda tushuntirib kelishimiz kerak.
Ota-onalarimiz farzandlariga maxsus bokslarda sog‘lom ovqat berib yuborishlari kerak bo‘ladi. Bu holatda imkon qadar bir necha soat davomida yopiq konteynerdagi ovqat aynib qolmasligini nazarda tutish kerak.
Ovqat yangi tayyorlangan bo‘lishi, imkon qadar bolani oshqozon ichak tizimiga ta’sir etmaydigan, yengil hazm bo‘ladigan ovqatlarni berib yuborish kerak.
Bola uchun aloxida qoshiq, vilka va o‘z piyolasi bo‘lishini ta’minlash kerak. Bola ovqatlanishdan oldin va keyin qo‘llarini yuvishi yoki antiseptik bilan ishlov berishi kerak.
Bolaga kichik termoslarda iliq suyuqliklar, turli xil damlamalar, choylar berib yuborish tavsiya etiladi.

Joylangan vaqt: 2022-08-27 21:48:08