РОВНО ВИЛОЯТИ — Украина таркибидаги вилоят. Украинанинг шимғарбида. 1939 й. 4 дек. да ташкил топган. Майд. 20,1 минг км2. Аҳолиси 1192,5 минг киши (1997), асосан, украинлар, шунингдек, рус, белорус ва б. миллат вакиллари ҳам яшайди. Ровно вилоятида 15 туман, 9 шаҳар ва 16 шаҳарча бор. Йирик шаҳарлари: Ровно, Дубно, Здолбунов, Костополь, Сарни. Маркази — Ровно ш.
Ровно вилояти ер юзаси бир оз пастбаланд текислик. Вилоят шим. қисмини Полесье паеттекислиги, жан. қисмини Волинь қирларининг шарқий қисми эгаллаган (энг баланд жойи 342 м).
Иклими мўътадил континентал. Янв. нинг ўртача траси —3,8°, июлники 18,5°. Йиллик ёғин 560—620 мм. Дарёлари Припять ва унинг ирмоқлари. Қора тупроқ, сур тусли подзоллашган, чимли подзол, ботқоқ, гиллиқумлоқ тупроклар тарқалган. Вилоят ҳудудининг 34%и ўрмон. Бўри, тулки, қобон, лось, бўрсиқ, сувсар, тийин, олахуржун, зубр яшайди. Даре ва кўлларда балиқ кўп. Ондатра, енотсимон ит иқлимлаштирилган.
Вилоят хўжалигида озиқ-овқат саноати етакчи ўринда. 6 шакарқанд, 2 спирт, 8 сабзавот қуритишконсерва корхоналари, гўшт к-ти ишлаб турибди. Саноат маҳсулотларининг ҳажми бўйича енгил саноат иккинчи ўринда туради. Ровно, Дубнода тикувчилик, тўқимачилик, трикотаж, пойабзал корхоналари жойлашган. Машинасозлик ва металлсозлик корхоналарида трактор, қ. х. машиналари учун эҳтиёт қисмлар ишлаб чиқарилади. Ровнода электротехника жиҳозлари, юқори вольтли электрон аппаратура, Дубнода ҳар хил станоклар ишлаб чиқариладиган корхоналар бор. Ўрмон, ёғочсозлик ва қоғоз саноати корхоналари Сарни, Дубно, Острог, Владимирец, Березно, Ровно атрофларида жойлашган. Қурилиш материаллари саноати, айниқса, цемент, шифер ва йиғма темирбетон и. ч. ривожланган.
Қ. х. нинг асосий тармоклари: деққончилик ва чорвачилик. Ғалла, техника экинлари, сабзавотполиз ва картошка, емхашак экинлари экилади. Чорвачилиги сутгўштга ихтисослашган. Кррамолчилик, чўчқачилик етакчилик қилади. Паррандачилик ва қуёнчилик ривожланган, қўй ва эчки ҳам боқилади.
Т. й. узунлиги 579 км, автомобиль йўллари 7,8 минг км. Ровно вилояти ҳаво йўллари орқали Москва, Рига, Киев, Симферополь ва Украинанинг бошқа шаҳарлари б-н боғланган, 2 олий ўқув юрти, Киев маданият ин-тининг маданиймаърифий ф-ти, 2 музей, мусиқали драма театри, 4 санаторий бор.