РИЕКА — Хорватиядаги шаҳар. Адриатика денгизи сохилида. Риека кўлтиғининг шим. қисмида жойлашган. Аҳолиси 167 минг киши (1999). Транспорт йўлларининг муҳим тугуни. Йирик порт. Аэропорти халқаро аҳамиятга эга. Мамлакатнинг муҳим саноат маркази. Кемасозлик, моторсозлик, нефтни қайта ишлаш, кимё, ёғочсозлик, кўнпойабзал, озиқ-овқат саноати корхоналари мавжуд. Музейлар бор. 13—18-а. ларга оид меъморий ёдгорликлардан романготика собори, черков, минора сақланган.