РЕНТГЕН РАСАДХОНАСИ — Ер сунъий йўлдошлари (ЕСЙ) сифатида орбитага чиқарилган аппаратлар; космик ёритқичларни улардан чиқадиган рентген нурларда текширишга мўлжалланган. Қуёш ва б. рентген нур манбаларини текширишда қўлланилади. 1970 й. дан бошлаб турли давлатларда бортига Рентген расадхонаси ўрнатилган 10 дан ортиқ ЕСЙ учирилган. Mac, CAC, Skylab, XEAO, GOES (АҚШ), Хакутё, Yphkoh (Япония), Астрон (СССР), SoHO (АҚШ ва Европа) типидаги йўлдошлар.
Рентген расадхонасига рентген телескоплар ўрнатилади. Булар осмон ва Қуёшнинг барча соҳаларининг рентген суратларини олиб, Ерга узатиб турди. Бу суратларга асосланиб, космик рентген манбалари (Галактикада 100 га яқин, Магеллан булутларида 30 дан ортиқ ва Андромеда туманлигида 10 дан ортиқ) топилди ва ўрганилди. Қуёш атмосферасидаги рентген тузилмалар ва жараёнлар магнит табиатга эга эканлиги очилди.