РЕФРАКТОР — объективи линзали бўлган телескоп. Осмон ёритқичларидан келаётган нурлар Рефрактор объективидан синиб ўтиб, унинг фокус масофасида тасвир ҳосил қилади. Биринчи марта Г. Галилей 1609 й. да астрономияда қўллаган. Рефракторнинг визуал ва фотографик хиллари бор. Визуал Рефрактор объектив ва окулярдан тузилган. Фотографик Рефрактор (астрограф ҳам дейилади) катта фотоаппаратдан иборат бўлиб, унинг фокал текислигига фотопластинкали кассета ўрнатилади.
Рефракторнинг объективида камида 2 та линза — бири (мусбат) енгил ва оптик зичлиги кам шиша — крондан, иккинчиси (манфий) оғир шиша (флинт)дан ясалган линза бўлади. Бунда бир йўла Рефракторда бўладиган хроматик ва сферик аберрациялар камайтирилади. Объективи икки линзали Рефракторда комани ҳам тўғрилаш мумкин, лекин астигматизм ва майдон эгрилигини тузатиш мумкин эмас, чунки унинг кўриш майдони бурчаги (градус)дан ортмайди, бунда D — объектив диаметри (мм да). Қолдиқ сферик аберрациянинг тўлқин узунлигига боғликлиги туфайли юлдуз тасвири атрофида радиуси тах. 40» бўлган бинафша гардиш ҳосил бўлади (одатда, фойдаланиладиган Рефракторда тешик нисбати 1:15 бўлганда). Хроматик аберрациянинг катталашишини камайтириш учун Рефрактор объектив линзалари бир-бирига ёпиштирилади.
Рефракторда сифатли тасвир ҳосил қилиш учун махсус шишалар ишлатилади ва линзалар сони кўпайтирилади. Кичик Рефрактор ларда объективларга линзалар ёпиштирилиб, оқ доғ (қўшимча тасвир) ва ёруғлик камайиши қисқартирилади. Дунёда энг катта Р. Йеркс астрономик расадхонасида (АҚШ, Ј)=1,02 м) ўрнатилган. Рефрактор визуал, фотографик, камданкам спектрал ёки фотоэлектрик кузатишларда ишлатилади.