РАКЕТАЛАР ДИНАМИКАСИ — реактив двигателли учиш аппаратлари ҳаракатини ўрганиш билан шуғулланадиган фан. Р. д. нинг назарий асослари 19-а. охири, 20-а. бошларида яратидди, 20-а. 40-й.
лари охиридан жадал ривожлана бошлади. Бўлимлари:
1) ракеталарнинг оғирлик маркази ҳаракатини ўрганиш; бунда траекторияларга оид масалалар назарияси яратилади;
2) ракеталар ҳаракатини огирлик марказига нисбатан ўрганиш; бунда космик кемаларни космосда туташтириш, ракеталарни бошқариш, мўлжалга тўғрилаш ва б. масалалар ҳал қилинади; 3) экспериментал Ракеталар динамикаси ; бунда ракеталар ҳаракатини тадқиқ қилишнинг экспериментал усуллари ўрганилади. Ракеталар динамикасида оптик ва радиотехник асбоблар, компьютерлар қўлланилади, эҳтимолий жараёнлар назариясидан фойдаланилади.
Ракеталар динамикасининг асосий вазифаларидан бири — двигатели ишлаб турган ракеталарнинг ҳаракат қонунларини ўрганиш. Ракета учаётганда ёнилғи ёниши туфайли массаси анча камаяди. Мас, бир босқичли ракеталар тезлик олиш (старт) пайтида дастлабки оғирлигининг 90% ини йўқотади. Двигатели ишлаб турган ракеталарнинг ҳаракат қонунлари ўзгарувчан массали жисмлар механикаси тенгламалари орқали ифодаланади.