РАҲИМОВА Гулора (1948.25.3, Боғот тумани Боғот қишлоғи) — актриса, хонанда. Ўзбекистон халқ артисти (1992). Урганч педагогика ин-тини тугатган (1970). 1973 й. дан Огаҳий номидаги мусиқали драма театрида ишлайди. У аввал яккахон хонанда, кейинроқ спектаклларда бош ролларда чиқа бошлаган. Гулсанам (Уйғун, «Беруний»), Нурхон (К. Яшин, «Нурхон»), Саидабегим (Шаломаев, «Ибн Сино»), Шоҳсанам (Айёмий, «Ошиқ Ғариб ва Шоҳсанам»), Лайли (Навоий, «Лайли ва Мажнун»), Мунаввар (Ҳ. Муҳаммад, «Тошкентнинг нозанин маликаси»), Кетавани (Н. Думбадзе, «Қуёшни кўраяпман»), Уғилой (К. Аваз, «Марварид таққан аёл»), Гуласал (П. Телегенов, «Тошлар тилга кирганда»), Тўмарис (Н. Салаев, «Тўмарис»), Гулсумбону (Э. Самандар, «Араб Муҳаммаджон»), Дурдава («Авесто») каби ролларни ижро этган. Хонанда сифатида «Феруз», «Самарқанд ушшоғи», «Фарёд», «Гулузорим», «Дугоҳ», «Бухоро тўлқини» каби мумтоз ҳамда «Ўзбекистон», «Ватан» каби замонавий қўшиклар, лапарларнинг моҳир ижрочиси Раҳимова ҳақида видеофильм (реж. Ҳ. Қаҳрамонов) суратга олинган (1999).