МУТАНТ — мутация натижасида организмнинг ирсий ўзгарган формаси. Мутант табиий ёки мутагенлар таъсирида пайдо бўлиши мумкин. Аксарият Мутант бошланғич организмлар (ёввойи формалар)дан турли хил структуравий тузилиши, функциясининг бузилиши ва кўп ҳолларда ҳаётчанлиги пасайиши билан фарқ қилади. Айрим ҳолларда одатдаги муҳит шароитида ҳам (шу жумладан, сунъий танлаш жараёнида) қимматли хўжалик белгилари бўйича селектив устунликка эга бўлган Мутантлар пайдо бўлади. Бундай Мутант ўсимликларнинг бошқа навлари, хайвонларнинг янги зотлари ва микроорганизмларнинг янги штаммларини яратишда кенг қўлланади. Генетикада Мутантдан мутаци-он жараён крнуниятлари, генетик ап-паратнинг ишлаши ёки ҳар хил моддалар биосинтези йўлларини ўрганишда фойдаланилади. Мутантлар табиий танланиш учун бошланғич материал бериши туфайли организмлар эволюциясида муҳим аҳамиятга эга.