МУСТАЗОД, мустаъзод, мустахзод (араб. — орттирилган) — ўзбек мусиқа меросидан ўрин олган ашула йўлларидан; шеърий Мустазод асосида узил-кесил шаклланган бўлиб, куй жумлалари охирида орттирма сўзларга мос келувчи қўшимча куй-оҳанг боғланиши натижасида вужудга келади. Бастакорлик ижодида якка ҳамда туркумли Мустазод ларнинг айрим намуналари мақом мажмуалари таркибидан ўрин олган (мас, Мустазоди Наво шохобчалари б-н). Айниқса, Хоразмда кенг тарқалган (М., Талқини Мустазод, Савти Мустазод, Гулуфори Мустазод ва б.). Ўзбек мусиқа меросида М. номли чолғу, жумладан, сурнай куйлари ҳам бор.
Равшан Юнусов.