МУСТАҚИЛЛИК ДЕКЛАРАЦИЯСИ (1776 й. 4 июль) — Шим. Америкадаги мустақиллик учун уруш даврида (1775—83) инглиз мустамлакалари вакилларининг 2-Континентал конгресси қабул қилган. Мустақиллик декларацияси Т. Жефферсоннинг республика ва демократия руҳи билан тузилган лойиҳасига асосланган. Мустақиллик декларацияси мустамлакаларнинг метрополиядан ажралганлигини ва янги мустақил давлат — Америка Қўшма Штатлари барпо этилганлигини, шунингдек, халқ эркинлигини, барча кишиларнинг қонун олдида тенглигини эълон қилди. Мустақиллик декларацияси катта тарихий ахамиятга эга бўлган.