МУШАРРАФ Парвиз (1943.11.8, Деҳли) — Покистон давлат арбоби, генераллейтенант (1995). 1975—61 й. ларда Карочи ва Лоҳурдаги билим юртларида, Буюк Британия Қироллиги Мудо-фаа тадқиқотлари коллежида ўқиган. Покистон ҳарбий академиясини тугатган (1964). 1964 й. дан Покистон қуролли кучлари сафида. 1965—71 й. ларда махсус «Коммандос» батальони,1991 й. дан пиёда қўшинлари дивизияси, 1995 й. дан корпус қўмондони. 1998 й. окт. дан армия штаби бошлиғи, 1999 й. апр. дан Покистон қуролли кучлари штаб бошлиқлари Бирлашган қўмитаси раиси. 1999 й. 12 окт. даги ҳарбий тўнтариш натижасида ижроия ҳокими-ят раҳбари. 2001 й. 20 июндан Покистон Ислом Республикаси президенти.