МУЛЬТИПЛИКАТОР — 1) машина валининг айланишлар частотасини (сонини) ошириш учун мўлжалланган қурилма. Кучайтирувчи тишли узатмалардан иборат. Алоҳида механизм тарзида тайёрланади. Машина валининг айланишлар частотаси муайян опера-цияни бажариш учун етарли бўлмаган ҳолларда Мультипликатордан фойдаланилади. Мультипликатор асосан турли синов ишларида, лаб. да қўлланади;
2) суюкликнинг босимини ошириш учун мўлжалланган гидравлик қурилма. Бирбирига туташтирилган икки цилиндрдан иборат (раем). Цилиндрлардан бири юқори босимга, иккинчиси паст босимга мўлжалланади. Паст босим цилиндрида катта диаметр (D) ли поршень жойлашган. У юқори босим цилиндрида жойлашган кичик диаметр (d) ли плунжер б-н бириктирилган. Иш цилиндрига борадиган босим Р дан – г – марта (40—60 марта) катта бўлади. Мультипликатор гидравлик прессларда, пневмогидравлик кучайтиргичларда қўлланади.