МОЙ КИСЛОТА (бутан кислота, этилсирка кислота) , СН3—СН2 — СН2 — СООН — рангеиз суюклик. Мол. м. 88,11. Суюкланиш т-раси — 5,26°, қайнаш т-раси 163,5°; зичлиги 957,7 кг/ м3. Сувда эрийди, органик эритувчилар б-н аралашади. Сув билан азеотроп аралашма хреил қилади (қайнаш т-раси 99,4°, масса жиҳатидан 18,4% М. к.). Сигир сутида (3—4%) ва нефтда оз миқдорда бўлади. Саноатда мой альдегид ёки бутанолни катализатор иштирокида оксидлаш, шунингдек, таркибида крахмал бўлган қ. х. чиқиндиларини бижғитиш (мой кислотали бижғитиш) орқали олинади. Мой кислота ишқорий-ер металлар (Са, Sr, Mg, Ва)ни нодир-ер элементларидан тозалашда, экстрагент тузларни (мас, кальций тузларини) йўқотиш (кўн саноатида), хушбўй моддалар синтезида ва б. да қўлланади.