МОСКВА КОНСЕРВАТОРИЯСИ, П. И. Чайковский номидаги Москва давлат консерватория с и — Россиядаги энг йирик мусиқа ўқув юрти. Рус мусиқа жамияти томонидан, Н. Рубинштейн (М. к. нинг биринчи директори) ташаббуси билан 1866 й. да очилган. Композитор ва мусиқашунослар, операсимфоник ва хор дирижёрлари, хонанда, созандалар тайёрловчи ва малака ошириш ф-тлари, аспирантура, бир нечта лаб. лар, илмиймусиқий кутубхона, турли ижодий жамоалар бор (2002). Москва консерваториясида таълим олганлар орасида С. Рахманинов, А. Скрябин, С. Рихтер, Л. Коган, Москва консерваторияси Ростропович каби йирик рус мусиқа арбоблари ҳамда миллий композиторлик мактаби асосчилари — 3. Палиашвили, А. Спендиаров, А. Хачатурян, ўз фаолиятини ўзбек мусиқаси б-н боғлаган А. Козловский, Б. Надеждин, Г. Мушель, Я. Пеккер, Н. Яблоновский, Р. Глиэр, С. Василенко ва б. бор. Москва консерваторияси қршида 1930—50 й. лар Москва ўзбек опера студияси фаолият кўрсатган. Москва консерваториясида ўзбек композиторларидан М. Бурбонов, С. Юдаков, Ўзбекистонда хизмат кўрсатган артистлар П. Ҳолиқов, А. Икромов, дирижёрлар 3. Ҳақназаров, Н. Олимов, хонандалар И. Жалилов, Қ. Муҳитдинов, созандалар Ўзбекистонда хизмат кўрсатган артист, проф. А. Шарипова, халқаро танловлар лауре-атлари Н. Аҳмедова, В. Султонов, Э. Мирқосимова, Ўзбекистон миллий консерваторияси профессорлари В. Пўлатов, А. Ҳошимов, Б. Қурбоновлар таълим олган Жуда кўп мусиқашунос ва ижрочилар малака оширган.