МИССИСИПИ — АҚШнинг жан. қисмидаги штат. Майд. 123,5 минг км2. Ахолией 2,8 млн. киши (2002). Аҳолининг 47% шаҳарларда яшайди. Маъмурий маркази ва энг йирик шаҳри — Жэксон. Ер юзасининг катта қисми пасттекислик, штатнинг ғарбий чегараси бўйлаб ўтган Миссисипи дарёсининг сўл ирмоклари б-н кесилган. Иклими субтропик сернам иқлим. Янв. нинг ўртача т-раси 8°, июлники 27°. Шим. да кенг баргли, жан. да игна баргли ўрмонлар, Мексика қўлтиғи соҳилида ботқоқ сарви ўсади.
Миссисипи — аграр штат. Асосий экини — пахта. Пахта ҳосили етиштиришда мамлакатда Техас штатидан кейин 2-ўринда. Соя, маккажўхори, шоли, буғдой, шакарқамиш экилади. Қорамол, чўчқа боқилади. Паррандачилик билан шуғулланилади.
Нефть, табиий газ қазиб чиқарилади. Асосий саноат тармоқлари: нефтни қайта ишлаш, озиқ-овқат, целлюлозақоғоз, кимё, тўқимачилик, тикувчилик ва кемасозлик. Миссисипи дарёсида соҳилида Галфпорт порти бор.