МИЛЕНИН Семён Михайлович (1903. 13.9, Луганск ш., Украина — 1966.8.7, Тошкент) — театр рассоми. Ўзбекистонда хизмат кўрсатган санъат арбоби (1944). 1936 й. дан Тошкентда. Ҳамза театрида бош рассом (1960 й. гача). Миленин ўзбек театри санъати тараққиётига катта ҳисса қўшган. Саҳна безакларининг маиший тафеилотга бойлиги, меъморий шакллардаги интерьер, экстерьерлар, ёруғлик эффектларидан самарали фойдаланиш Миленинга спектакллардаги давр ва унинг ўзига хос хусусиятларини тўлиқ ёритиш имконини берди: «Макр ва муҳаббат» (1936, Ф. Шиллер), «Отелло» (1941, У. Шекспир), «Момақалдироқ» (1938, 1955, А. Островский), «Алишер Навоий» (1945, Уйғун ва И. Султон), «Ҳамлет» (1949, У. Шекспир), «Шоҳи сўзана» (1952, А. Қаҳҳор), «Юрак сирлари» (1953, Б. Раҳмонов) ва б.