МЕНГЕР (Menger) Карл (1840.23.2, Ненст-Сандец, Польша — 1921.27.2, Вена) — австриялик иқтисодчи, иқтисодий тафаккурда австрия мактаби асосчиси, чегараланган нафлилик назарияси асосчиларидан бири. Вена унти проф. (1879—1903). Менгернинг иқтисодий назарияси индивидуализм асосига қурилган. У иқтисодиёт фанининг асосий вазифаси якка хўжаликлар ривожланиш қонунларини ўрганиш, индивидларнинг талабларини қондириш йўлларини тадқиқ этишдан иборат, деб қарайди. Менгер ўзининг «Иқтисодий сиёсат арбоблари» (1871) асарида классик мактаб вакилларининг қийматнинг меҳнат назариясига қарши қиммат (қадрият) назариясини илгари сурди. Унга кўра, товарнинг нархи харидорлар ва сотувчиларнинг субъектив ба-ҳолаши натижасидир, меҳнат сарфлари «қадрият катталиги билан бевосита алоқадор эмас».