МАРАДОНА (Maradona) Диего Армандо (1960.30.10, Буэнос-Айрес яқинидаги Ланус ш.) — аргентиналик футболчи, жаҳон чемпиони. 20-а. нинг энг яхши футболчиси (Пеле билан бирга) деб тан олинган. Дастлаб «Аргентинос Хуниорс» футбол клубила ўйнаган. «Бока Хуниорс» таркибида Аргентина чемпиони (1981), «Наполи» жамоси таркибида Италиянинг 2 карра чемпиони (1987, 1990), Италия кубоги (1987) ва УЕФА кубоги (1989) сохиби бўлган. Аргентина терма жамоаси таркибида жаҳон чемпиони (1986) ва вице-чемпиони (1990).