МАГНИТОСТРИКЦИЯ (магнит ва лот. strictio — қисилиш, таранглашиш) — кристалл жисмнинг магнитланганда ўлчам ва шакллари ўзгариши; кристалл панжаранинг магнит майдонида энергетик ҳолатининг, шунингдек, панжарадаги тугунлари орасидаги масофанинг ўзгаришига олиб келади. Ферро-ва ферримагнетикларда зарраларнинг магнитли ўзаро таъсири жуда юқори бўлгани учун Магнитострикция энг катта қийматга эришади. Магнитострикция ҳодисасига тескари ҳодиса Виллари эффекти ҳисобланади.