МАГНИТМАС МАТЕРИАЛЛАР, номагнит материаллар — магнит хоссалари паст (магнит киритувчанлиги ц<1,5) бўлган диамагнит ва парамагнит материаллар. Бронза, латунь (жез) ва б. рангдор қотишмалар, магнитланмайдиган пўлат ва чўян, баъзи полимерлар М. м. ҳисобланади. Аустенит тузилишли пўлат ва аустенит билан графит тузилишли чўян амалда кўп ишлатилади. Аустенит тузилиш ҳосил қилиш учун улар Ni (никель) ва Мп (марганец) билан легирланади (к,. Легирлаш). М. м. дан пружиналар, компас қутилари, сув ости кемаси асбоблари, перископ деталлари, термобиметаллар, ток тарқатиш шчитлари ва б. магнитланмайдиган нарсалар тайёрланади.