МАГНИТ «СИЁҲ» — оддий ёзув қоғозига матн ва график чизмаларни (магнит усулда) қайд қилиш ҳамда ўқиш учун мўлжалланган магнитли ахборот элтувчилар (магнит ленталар, перфокарталар, перфоленталар ва б.)нинг бир тури. Магнит сиёҳ «с». карбонил темир ва гептандан суспензия (эритма) ёки микроскопик магнит зарралар аралаштирилган мастика тарзида тайёрланади. Бундай «сиёҳ» б-н туширилган ёзувни «ўқиш» осон бўлиши учун суспензия ёки мастикага ранг қўшилади. Магнит сиёҳ «с». билан қоғозга махсус ручкада, қўлда ёки ёзув машинасида ёзиш мумкин. Магнит сиёҳ «с»., асосан, ҳужжатлар б-н ишлаш (хилларга ажратиш, ҳисобга олиш, кодлаш ва б.) жараёнини механизациялаштириш учун қўлланилади.