МАГНИТ МОМЕНТ — ток оқаётган берк контурнинг, жисмлар ва модда зарраларининг магнит хоссаларини ифодалайдиган вектор катталик. Элементар зарралар, атом ядроси, молекула ва атомларнинг электрон қобиқлари Магнит моментга эга. Атом ва ядро физикасида Магнит момент ининг ўлчов бирлиги қилиб магнетон олинган. Макроскопик системанинг Магнит момент унинг атом (молекула) лари йиғиндисига тенг. Макроскопик жисмнинг магнит ҳолати магнитланганликни ифодалайди. Магнит момент тушунчаси магнит майдондаги моддаларда содир бўлувчи турли физик ҳодисаларни тушунтиришда жуда муҳимдир.