МАГНИТ ЛЕНТА, магнит тасма — сиртига магнит катлами суркалган юпқа қайишоқ лента. Товуш (нутқ, мусиқа) ни ёзиб олиш ва қайта эшиттириш учун ишлатилади (қ. Магнитик ёзиш). Ишчи магнит қатлами темир гамма-оксид (v=F2O3), хром (II) оксид (СЮ2) ва кобальт қўшилган темир гамма-оксиднинг магнит жиҳатдан қаттиқ кукунидан иборат булади (қ. Магнит материаллар). М. л. асоси сифатида полиэтилентелефталат, поливинилхлорид, диацетат ва триацетат плёнка ишлатилади. Плёнка сиртига суркаладиган таркиб магнит кукуни, боғловчи модда, эритгич, пластификатор ва Магнит лента сифатини яхшилайдиган қўшимчалардан иборат бўлади. Магнит лента т-ра 20±5° гача бўлган шароитларда ишлатилади ва сақланади. Металл ва биметалл Магнит лента ишлатилади. Лентанинг эни ва калинлиги нимага ишлатилишига қараб танланади. Мас, товушни ёзиб олишда эни 3,81 ва 6,25 мм, қалинлиги 9—55 мкм бўлган Магнит лента ишлатилади. Ҳозир (2003) юпқа ишчи қатлами Со—Ni (кобальтникель), Со—Р (кобальт—фосфор) Со—N—Р (кобальт — азот — фосфор) ва Со—W (кобальт—вольфрам) қотишмаларидан иборат металл Магнит лента ишлаб чиқарилмоқда.