МАГНИТ КУЧАЙТИРГИЧ — электр сигналларини кучайтириш учун мўлжалланган қурилма. Магнит кучайтиргичда бошқариладиган элементлар ферромагнит ўзакли индуктивлик ғалтаклари (қ. Индуктивлик ғалтаги) ҳисобланади. Уларда икки ўзгарувчан магнит майдон мавжуд бўлади: бири — таъминлаш манбаи частотасида, иккинчиси — кучайтириладиган сигнал частотасида ўзгаради. Магнит кучайтиргич лампали ва транзисторли кучайтиргичлардан кескин фарқ қилади. Магнит кучайтиргич кўпроқўзгармас ток ёки секин ўзгарадиган ўзгарувчан ток сигналларини кучайтиришда ишлатилади. Кучайтириладиган сигналлар частоталари диапазонини юқорироқ частоталар томонга кенгайтириш учун Магнит кучайтиргич лампали, яримўтказгичли, электр машина кучайтиргичлари ва б. билан биргаликда қўлланилади. Магнит кучайтиргич аниқ ўлчаш асбобларида йирик агрегатлар (прокат станлари, экскаваторлар ва б.) ни автоматик бошқариш қурилмалари ва б. соҳаларда кенг ишлатилади.