МАГНИТ АЗИМУТИ — магнит меридианининг шим. учидан бошлаб соат мили йўналиши бўйича берилган йўналишгача 0° дан 360° гача ўлчанадиган горизонтал бурчак. Эркин ҳолда турган компас магнит милининг ўқи бўйича ўтувчи вертикал текислик магнит меридиани текислиги дейилади. Кичик майдонлардаги амалий ишларда Магнит азимутидан фойдаланиш мақсадга мувофикдир, чунки у оддий асбоблар — магнит компас ёки магнит буссоли билан осонгина ўлчаб топилади.