МАГНЕТОҚАРШИЛИК, магнитрезистив эффект — ўтказгичнинг магнит майдон Н даги солиштирма электр қаршилиги р нинг майдон йўқлигидаги солиштирма қаршилиги р0 га нисбатан ўзгариши. Кўндаланг ва бўйлама Магнетоқаршиликлар мавжуд. Кўндаланг Магнетоқаршиликда электр ток магнит майдонга тик, бўйлама Магнетоқаршиликда эса унга параллел оқади. Заряд ташувчилар т-раекториясининг магнит майдонда оғиши М. га сабаб бўлади. Магнетоқаршилик гальваномагнит ҳодисалар жумласига киради.