МАГДЕБУРГ — Германиядаги шаҳар, Саксония-Анхальт ерининг маъмурий маркази. Аҳолиси 239,4 минг киши (1998). Т. й. ва автомобиль йўллари тугуни, Эльба дарёсидаги порт. Мамлакатнинг муҳим саноат ва савдо-транспорт марказларидан. Оғир машинасозликнинг йирик маркази. Магдебургда умумий машинасозлик, кимё, енгил ва озиқ-овқат саноати учун жиҳозлар и. ч., қ. х. машинасозлиги, приборсозлик, дарё кемасозлиги ривожланган. Шунингдек, кимё, кимёфармацевтика, озиқ-овқат, тикувчилик, кўн-пойабзал саноати корхоналари мавжуд. Магдебург — мамлакатнинг маданий марказларидан: миллий театр, Янги шаҳар театри (1876) маданийтарихий музей, роман черкови (11 — 13-а. лар), готика собори (13 — 16-а. лар) ва б. бор. Шаҳар қўлёзмаларда илк бор 805 й. да тилга олинган. 968 й. дан Магдебург архиепископлиги маркази, Ганзанянт муҳим шаҳарларидан ҳисобланади.