МАЕВ Николай Александрович (1835.21.2, Петербург – 1896.2.1) – этнограф, географ. Ўзбекистонда илмий ўлкашунослик ишларининг ташкилотчиси. 1870—92 й. ларда «Туркестанские ведомости» газ. сига муҳаррирлик қилган. 1870 й. дан Туркистон статистика комитетининг котиби. Ўрта Осиё илмий жамияти ташкил этилган (1871 й. 28 янв.) дан бошлаб унинг фаол иштирокчиси ва «Туркистон ўлкасининг статистикаси учун материаллар» тўпламининг (1—5) муҳаррири. Турли кўргазмалар ташкилотчиси. Ўлкашунослик музейи (1876) ташкилотчиларидан. Маев тарих, археология, этн., нумизматика соҳасида кўп тадқиқотлар олиб борган, экспедициялар (Шаҳрисабз 1874; Ҳисор 1875, 1878)га бошчилик қилган. Асарларида Тошкентнинг эски шаҳар қисми тарихи, этн. си, аҳолиси ва унинг машғулотлари, Бухоро хонлиги шаҳар ва қишлоқлари, карвон йўллари, моддий маданият ёдгорликлари, аҳолининг турмуши, урф-одатлари ва анъаналари, маҳаллий бошқарув тизими, ҳунармандлик, савдо, географик, табиийтарихий, археология ва этн. га оид маълумотлар келтирилади.
Ас.: Очерки Бухарского ханства, Т., 1875; Азиатский Ташкент [Материалы для статистики Туркестанского края], СПб., 1876.