МАДЕЙРА — Атлантика океанидаги вулкан ороллари гуруҳи, Африканинг шим.-ғарбий қирғоклари яқинида жойлашган. Португалия ҳудуди. Майд. 797 км2. Энг йирик ороли — Мадейра (энг баланд жойи 1861 м, Пику-Руйву вулкани). Иклими Ўрта денгиз атрофига хос, океан иқлими. Йилига ўртача 740 мм ёғин тушади. Ўрта денгиз бўйи ўсимликлари (маквис, субтропик саванна, тоғларда лавр ўрмонлари) ўсади. Аҳоли тропик деҳқончилик билан шуғулланади. Узум, шакарқамиш, банан етиштирилади, виночилик ривожланган. Қишки курортлар бор. Асосий шаҳри ва порти — Фуншал.