ИБН ЮНУС (950-1009) – араб астрономи. Қоҳира яқинидаги расадхонада кузатиш ишларини олиб бориб, шу асосда Ой, Қуёш ва сайёралар ҳарака-тининг астрономик жадвалини тузди. Ибн Юнус прецессион доимийлик қийматини ва эклиптиканинг экваторга оғиш бурчагини аниқлади, ясси ва сферик учбурчакларнинг ечиш услубларини такомиллаштирди, гномонни яхшилади. Бунда гномоннинг сояси Қуёш маркази эмас, балки Қуёш дискининг юқориги чеккалари горизонтдан балан-длигини кўрсатишини исботлаган.