ZAMINDOʻZI — zardoʻzlikda tikish usuli. Bezatiladigan buyum yuzasi (guli va zamini) kashta bilan sidirgʻa qoplab tikiladi. Bunda kashta toʻgʻridantoʻgʻri matoga yoki mato ustidagi toʻshama (siddiy) ustidan zar, kumush yoki ipak iplar bilan tikiladi. Zamindoʻzida mayda handasiy shakllar («chashmi bulbul», «chordarchor», «shashxol», «sambusa» va b.), diagonal va zigzag yoʻllar («mavji yakroʻya», «mavji duroʻya», «mavji chashmi bulbul» va b.) hosil qiladigan bezak choklardan foydalaniladi. Zamindoʻzida badiiy anʼanalar, zardoʻz ustaning mahorati namoyon boʻladi. 3. 19-a. da saroy amaldorlarining kiyimlarini tayyorlashda keng qoʻllanilgan. Hozir 3., asosan, guldoʻzi usulida bezatiladigan buyumlarning ayrim boʻlaklarini tikishda ishlatiladi.