ZALILIY (taxallusi; asl ismsharifi Muhammad Sodiq) (taxm. 1674, Yorkent — ?) — uygʻur shoiri. Uygʻur adabiyotida realizm asoschilaridan. Yorkentdagi madrasada tahsil olgan. Arab va fors tillarini oʻrgangan. Bizgacha bitga toʻplami yetib kelgan. Unga «Safarnoma» (1720), «Tazkirai chistoy» (1736), «Tazkirai Muhammad Sharif Buzurugvor» (1744) kabi dostonlar hamda 2 qasida, 133 gʻazal, 19 muxammas, 26 ruboiy, 5 mustahzod va fors tilida yozilgan 46 gʻazali jamlangan. Asarlarida vatanparvarlik va xalqparvarlik ruhi yetakchilik qiladi.