«Актёр маҳорати» ва «Режиссура» дарсларида энг муҳим босқич-актёрлик маҳорати элементларини ўрганиш босқичи саналади. Чунки талабадан нафақат мехнат, ўқиш, ўрганиш балки, ижод қилиш (масалан, машқ ва этюдлар драматургиясини яратиш) талаб этилади. Бундан ташқари театр санъати, актёрдан юксак интеллектни талаб этади. Шу боис у талабалик давриданоқ ўз устида ишлашни, берилган` образларга тегишли бадиий, тарихий, илмий адабиётларни ўқиш ва идрок этиш салоҳиятига ҳам эга бўлиши керак. Ушбу маъруза матнда таълимнинг биринчи қадамлариданоқ педагог-ўқитувчи этибори шунга қаратилган.