Relef umumgeografik kartalarda tasvirlanadigan eng murakkab element hisoblanadi. Oddiy shakllar eni va bo’yi masshtab asosida kichraytirilib tasvirlansa, relefni uchinchi bir ko’rsatkichi - balandligi ham tasvirlanishi kerak.
Relef – yer yuzasidagi past-balandliklarni, jarlik va cho’kmalarni, tog’lik va tekisliklarni o’zida mujassam qilgan landshaftning asosiy elementlaridan biri hisoblanadi. Relef geologik jarayon bilan bog’liq bo’lib, uni shakllanishida roli katta. Yer yuzasidagi gidrografik elementlarni shakllanishida o’simlik va tuproqlarni tarqalishida, ekologik vaziyatni rivojlanishida, injenerlik inshootlarni loyihalashda, aholi yashaydigan shahar va posyolkalar qurilishida, dehqonchilikda relefni roli katta bo’lib, u bilan hisoblashmay bo’lmaydi.