Informatika ha’m informatsiyaliq texnologiyalari pa’nin oqitiwda pedagogikaliq texnologiyalar

O`zbekstanda ta`lim sistemasi jaslardin` bilimli boliwina, keleshekte olardin` sapali kadrlar bolip jetilisiwine u`lken diqqat awdarmaqta. Jaslarg`a bilim berip atirg`an professor-oqitiwshilardan «Ta`lim haqqindag`i» nizam ha`m «Kadrlar tayarlaw milliy da`stu`ri» talablarin toliq orinlawi ha`m oni a`melge asiriw ushin barliq imkaniyatlardan paydalaniwi talap etiledi. O`zbekstan Respublikasinin` Prezidenti I.A.Karimov «Tek g`ana shin ma`rifatli adam insan qa`dirin, milliy qa`diriyatlardi, bir so`z benen aytqanda o`zligin an`law, erkin ha`m azat ja`miyette jasaw, g`a`rezsiz ma`mleketimizdin` pu`tkil du`n`yada o`zine mu`na`sip abiroyli orin iyelew ushin pidayiliq penen gu`resiw mu`mkin» dep, shaxsqa ma`rifattin`, ilimnin` roline joqari baha beredi. I.A.Karimov ma`rifatli shaxstin` tek bilimler sistemasin iyelew menen sheklenbey, pikirlewge u`yreniwi, oylaw da`rejesinin` o`sken boliwi za`ru`rligin ayiriqsha aytip o`tti. I.A.Karimov «Demokratiyaliq ja`miyette balalar, uliwma ha`r bir insan erkin pikirleytug`in etip ta`rbiyalanadi. Eger balalar erkin pikirlewdi u`yrenbese, berilgen ta`lim sapasi to`men boliwi ma`lim. A`lbette, bilim kerek. Biraq bilim o`z jolina. Erkin pikirlew de u`lken bayliq» dep ko`rsetedi.