Pedagogikaliq bahalaw. komponentalar, o’lshew da’rejeleri. pedagogikaliq xizmet na’tiyjelerin bahalawdin’ da’stu’riy ha’m da’stu’riy emes qurallari

Demek ta’lim processi ha’r waqit baqlaw menen qadag’alanip bariladi. Bilimdi tekseriw oqiwshilar ta’repinen o’zlestirilgen bilimnin’ barlig’in ha’m sipatin aniqlaydi, bilimdegi mashqalalardi aniqlaydi ha’m olardin’ o’z waqtinda joq qiliwg’a imkan beredi. Eger oqiwshilar biliminin’ sipatin baqlaw oni o’zlestirilgenligini yaki o’zlestirilmegenligin ko’rsetse, oqitiwshi oqiw materialinin’ tuwri tan’lang’anlig’i, oqiw processin sho’lkemlestiriw forma ha’m usillarin, tayarliq da’rejesin, oqiwshilardin’ imkaniyat da’rejesin ko’rip shig’iwi lazim. Joqari ta’lim mekemeleri studentler bilimin baqlaw ha’m bahalawdin’ reyting sistemasi haqqindag’i nizam O’zbekistan Respublikasinin’ ”Ta’lim haqqinda” ha’m ”Kadrlar tayarlaw Milliy da’stu’ri” nizamlari ha’mde O’zbekistan Respublikasi O’ROO’MTV nin’ 2010-jil 25-avgust 333-sanli buyrig’i menen tastiyiqlang’an ”Joqari ta’lim mekemelerinde studentler bilimin baqlaw ha’m bahalawdin’ reyting sistemasi haqqindag’i nizamda o’zgertiriw ha’m qosimshalar kiritiw haqqinda” buyrig’inin’ orinlaniwi esaplanadi. Usi nizam 2010-jil 5-sentybarden ku’shke kirgen. Studentler bilimin baqlaw ha’m reyting sistemasi arqali bahalawdan maqset ta’lim sipatin basqariw arqali ba’sekige shidamli kadrlar tayyarlawg’a erisiw, studentlerdin’ pa’nlerdi o’zlestiriwde bosliqlar payda boliwin aldin aliw, olardi aniqlaw ha’m joq etiwden ibarat