Мустақилликнинг дастлабки кунлариданоқ аждодларимиз қолдирган маънавий меросни тиклаш ишлари бошланиб кетди. Давлатимиз раҳбари Президент Ислом Каримов раҳнамолигида бу масалаларда қисқа давр ичида асрларга тенг ишлар амалга оширилган бўлиб, жамият тараққиёти билан ҳамоҳанг ҳолда маънавият ҳам ривожланиб борди. Шу маънода мустақиллик йилларида шахс маънавиятини ривожлантиришда улуғ алломалар меросини ўрганиш долзарб бўлиб қолаётгани ҳақида тўхталар экан, Республиками Президенти И.А. Каримов “Мазкур минтақанинг қадимий тарихи ва маданияти, бунда яшаб ўтган Шарқ мутафаккирлари ва файласуфларининг жаҳон маданиятини ривожлантиришга қўшган ғоят катта ҳиссалари ҳам бу ерда яшаётган одамлар турмушининг барча томонларига сезиларли таъсир ўтказмоқда. Ўтмишдаги алломаларнинг бебаҳо мероси қанчадан-қанча авлодларнинг маънавий-руҳий онгини ва турмуш тарзини шакллантирган эди ва у ҳамон таъсир кўрсатмоқда” деган сўзлари ҳамда “...айниқса ёш авлодимиз учун ота-боболаримиз қолдирган ўлмас меросини чуқур ўрганиш, қадрлаш билан бирга, умумбашарий қадриятлар, замонавий илм-фан чўққиларини эгаллаш руҳида тарбиялаш масаласини ўзимиз учун устувор вазифа қилиб қўйганмиз” , -деб уқтиришларидан келиб чиққан ҳолда, бу масалани янада чуқурроқ ўрганишни мақсадида “Шахс маънавиятини ривожлантиришда улуғ алломалар меросининг аҳамияти“ деб номланган мавзуда битирув-малакавий ишини ёзишга ундади.