Жаҳон халқларининг адабий ёдгорликларида уларнинг бой маънавий ҳаётига оид кўплаб далилий маълумотларни учратиш мумкин. Адабиёт инсонларни бирлаштиришга, турли халқлар ва даврлар ўртасидаги ўзаро алоқаларни ўрнатиш ва мустаҳкамлашга хизмат қилади. Ҳеч бир халқ адабиёти ўзаро таъсир, адабий алоқалар жараёнидан мустасно ҳолда ривожланган эмас. Жаҳон тамаддуни ривожида уларнинг ҳар бири ўз ўрни ва аҳамиятига эга.