Диссертация мавзусининг долзарблиги ва зарурати. Ҳозирги вақтда жаҳонда атроф муҳитнинг ифлосланиш муаммоси, аҳоли ва ҳудудларнинг экологик ҳавфсизлик масалалари долзарб аҳамият касб этмоқда. Жаҳон соғлиқни сақлаш ташкилотининг маълумотларига кўра, барча касалликларнинг 24 фоизи, аҳоли ўлимининг 23 фоизи бартараф этиш мумкин бўлган атроф-муҳит омиллари таъсири оқибатида содир бўлмоқда. «Дунё бўйича салбий экзоген омиллар ҳар йили ўртача 13 миллиондан ортиқ аҳолининг ҳаётдан кўз юмушига ва беш ёшдан кичик бўлган болаларнинг ҳар учтадан биттасини касалликка чалинишига сабаб бўлмоқда»