Sirtdan o’quvchi talabalarni o’qitishning asosiy shakli ularning o’quv mavzulari ustida mustaqil ishlashidan , o’quv mavzularini darsliklardan o’rganishlaridan , masalalarni yechishlaridan, o’z-o’zini tekshirib ko’rishlaridan, shaxsiy topshiriqlarni bajarib ko’rishlaridan iboratdir. Sirtdan o’quvchi talabalarga yordam tariqasida nazariy va amaliy mashg’ulotlar tashkil qilingan. Talabalar kerakli savollarga javob va maslahatlarni o’qituvchilardan olishlari mumkin. Oily matematika fanining ayrim qismlarini o’rganish shu qism bo’yicha o’quv rejasiga muvofiq joriy, oraliq, yakuniy nazoratlari topshirish bilan yakunlanadi.
Ushbu uslubiy qo’llanma “Televizion texnologiyalari” fakulteti bakalavriyat yo’nalishi bo’yicha sirtdan tahsil olayotgan talabalar uchun mo’ljallangan. Unda “Oliy matematika” fanining determinantlar va matritsalar, chiziqli algebraik tenglamalar sistemasini yechishning Kramer, matritsa va Gauss usullari, limitlar nazariyasi, hosila va differensial, aniq va aniqmas integrallar va ularning tadbiqlari mavzulari bo’yicha bajariladigan shaxsiy topshiriqlarni 20 varianti taklif qilinadi. Нar bir vazifaga avval qisqacha nazariy tushuncha va formulalar berilib, keyin bevosita topshiriqlarni bajarish namunalari keltirilgan.