"Mamlakatimizda amalga oshirilayotgan tarkibiy o’zgarishlar iqtisodiyotni modernizatsiyalash va diversifikatsiya qilish, korxonalarni texnik va texnologik jihatdan yangilashga hamda ularni barqaror rivojlantirish masalalariga qaratilgan. SHu jumladan, kichik biznes va xususiy tadbirkorlikni rivojlantirish O’zbekistonda amalga oshirilayotgan iqtisodiy islohotlarning eng muhim ustivor yo’nalishlaridan biridir. Ma’lumki, kichik biznes kapital taqchilligi sharoitida ko’p va yirik mablag’ talab etmaydigan xo’jalik faoliyati sifatida resurslar aylanmasining yuqori surhatlarini ta’minlaydi, iqtisodiyotni qayta qurish, iqtisodiy nobarqarorlik va resurslar chegaralanganligi sharoitida iste’mol bozorini shakllantirish va uni to’ldirish muammosini tez hamda tejamli tarzda hal etadi. Kichik kor¬xonalar bozor talabining o’zgarishiga darhol moslashadi va shu yo’l bilan iste’mol bozoridagi zaruriy muvozanatni ta’minlaydi.
"