Транспорт жараёнининг самарадорлиги ҳаракатланувчи таркибнинг энергетик кўрсаткичларини такомиллашиш даражасига тўғридан-тўғри боғлиқ. Автомобил транспортини самарадор ва барқарор ёнилғилар билан таъминлаш халқ хўжалигининг мухим муаммоларидан биридир. Ўзаробоғлиқ муаммоларни замонавий босқичда хал қилиш воситаларидан бири газбаллонли автомобилларни (ГБА) яратиш ва жорий этишдир, бунга республикамизда олиб борилаётган ишлар ҳам туртки бўлмоқда. Ҳозирги пайтда газ ёнилғисида ишлаш учун қайта жихозланган автомобиллар сони 100 мингдан ортди, улардан 47 мингтаси сиқилган табиий газда (СТГ) ишламоқда.