Ushbu o`quv qo`llanmada tashqi iqtisodiy faoliyatni tashkil etish
va boshqarish, uning shakllari va hamkorlik munosabatlarini o`rnatish,
tashqi savdo oldi-sotdi shartnomasi, transport ta’minoti, sug`urta va
tashqi savdo hujjatlarining turlari, marketingning mohiyati, uning asosiy
tamoyillari, zamonaviy konsepsiyasi, korxonalarda marketing faoliyatini
tashkil qilish va boshqarish, marketing-miks kabi mavzular, tayanch
iboralar va nazorat uchun savollar berilgan.
«Tashqi iqtisodiy faoliyat asoslari» bo`yicha mazkur qo`llanma
iqtisodiyot yo`nalishidagi kasb-hunar kolleji talabalariga mo`ljallangan
va undan tashqi iqtisodiy faoliyat va marketing sohasidagi bilimlarga
qiziquvchi barcha kitobxonlar ham foydalanishlari mumkin.
O`quv qo`llanma ayrim kamchiliklardan xoli bo`lmasligi mumkin.
Kitobxonlarning bu boradagi barcha fikr-mulohaza va takliflari
mualliflar tomonidan minnatdorchilik bilan qabul qilinadi.