XIX аср охири ХХ аср бошларида Бухоро амирлигида давлат амалда ва расман деярли чекланмаган ҳуқуқларга эга бўлган давлат бошлиғи - амир томонидан бошқарилар эди. Давлат Бухоро амири ва унинг авлодларининг мулки ҳисобланиб, ундаги давлат бошқарув усуллари ўрта аср мусулмон давлатларидан деярли фарқ қилмаган. Бухоро амирлигида давлат бошқаруви икки босқичли бўлиб, амир, сарой амалдорлари, ўзбек уруғлари ва қабила бошлиқлари ҳамда эътиборли дин пешволаридан ташкил топган марказий давлат бошқаруви ва маҳаллий бошқарувдан иборат бўлган.