Тадқиқотнинг мақсади болаларда СГВнинг клиник-лаборатор кўрсат-кичларига лямблиоз инвазиясининг таъсири асосида ичак микробиоценози коррекциясида индивидуал ёндашиш билан лямблияга қарши терапияни ишлаб чиқишдан иборат.
Тадқиқотнинг объекти сифатида Республика ихтисослаштирилган педиатрия илмий-амалий тиббиёт марказининг гепатология марказида даволанаётган СГВ билан оғриган 3 ёшдан 14 ёшгача бўлган 570 та болалар танланган.
Тадқиқотнинг предмети. Биокимёвий, иммунологик текширувларни ўтказиш учун вена томиридан олинган қон зардоби, бактериологик тадқиқотлар учун фекалий, лямблиоз инвазиясини аниқлаш учун қон, фекалий ва сўлак текширилди. Жигар, талоқ, ўт чиқарув йўлларида ултра товушли текширув ўтказилди.