Ўқитишнин кўргазмали методларини қўллаш Я.А. Коменскийнинг “Буюк дидактика” асарида ўз аксини топган кўргазмалиликнинг дидактик принсипидан келиб чиқади. У шундай ёзган эди: “Ўқитувчилар сезиб идрок этиш мумкин бўлган нарсаларни, албатта сезгилар воситаси билан, яъни кўриш мумкин бўлган нарсаларни кўз билан кўриб, эшитиш мумкин бўлган нарсаларни қулоқ билан эшитиб, ҳиди бор нарсаларни ҳидлаб кўриб, таъмини сезиш мумкин бўлган нарсаларни таътиб кўриб, ушлаб сезиш мумкин бўлган нарсаларни ушлаб билиб олишлари керак.” Йирик педагоглардан И.Г.Песталоци, А.Дистервег, К.Д. Ушинскийлар ва жадид марифатпарвар педагоглари кўргазмали методнинг аҳамиятини юксак баҳолаганлар ва уни ривожлантиришга ҳисса қўшганлар.