Keyingi vaqtlarda fotoyadro reaksiyalarida hosilaviy yadrolarning izomer holatlari hosil bo`lishining nisbiy ehtimolligini, ya’ni reaksiya izomer chiqishlar yoki kesimlar nisbatlarini tadqiq qilishga qiziqish yanada oshmoqda. Izomer nis-batlarni o`rganish, yadro reaksiyalar mexanizimi haqida, qisman yadro inersiya momenti, yadro sath zichligining spinga bog`lanish parametri va yuqori uyg`on-gan holatlar orasidagi o`tishlar xususiyatlari haqida axborotlar olishga imkon beradi. Bundan tashqari, amaliy yadro fizikaning asosiy yo`nalishlaridan biri bo`lgan gamma-aktivatsion analizda izomer chiqishlar nisbatisiz, bu metodning analitik imkoniyatlarini o`rganish va optimal metodikalar yaratish imkoniyati yo`q. Hozirgi kunda, mazkur yadrolar sohasida izomer holatlar hosil bo`lish nisbiy ehtimolliklari asosan past energiyalar sohasida, ya’ni gigant dipol rezonansi sohasida o`rganilgan bo`lib, bundan yuqori energiyalar sohasida esa deyarli o`rganilmagan. Mazkur ish 130Te()129Te reaksiyasi natijasida hosil bo`ladigan izomer holatlarni o`rganishga bag`ishlangan. Tadqiqotlar uchun manba sifatida keyingi vaqtlarda chop qilinayotgan ilmiy ishlar va xalqaro yadro ma’lumotlar bazalaridan foydalanilgan.